Kthehu lart

Zaev në Uashington në takim me nënkryetarin e SHBA-ve Mike Pence

Zaev në Uashington në takim me nënkryetarin e SHBA-ve Mike Pence GazetaExpress

Kryeministri Zoran Zaev sot në Uashington do të ketë takim me nënkryetarin e SHBA-ve, Majk Pence.

"Takimi do të realizohet me ftesë të nënkryetarit Pence, ndërsa në të do të bisedohet për përparimin e Republikës së Maqedonisë drejt anëtarësimit në NATO", kumtoi shërbimi qeveritar për shtyp.

Vizita e Zaevit në Uashington dhe takimi me nënkryetarin Pence pason pas vizitave të sekretarit amerikan të Mbrojtjes, James Mattis dhe të ndihmës sekretarit shtetëror, Wes Mitchel në Maqedoni dhe mbështetjes së shprehur për referendumin e ardhshëm dhe integrimin e vendit në NATO dhe BE.

Në fillim të këtij muaji edhe presidenti amerikan Donald Trump, në letër drejtuar presidentit të Maqedonisë, Gjorge Ivanov, shprehi mbështetje për marrëveshjen me Greqinë, duke e vlerësuar si historike dhe mundësi për hapje të rrugës së Maqedonisë drejt NATO-s dhe BE-së.

    Data: 20 Shtator 2018 10:20
    Autori: GazetaExpress

    Të tjera