Kthehu lart

Pacolli ankohet për Dua Lipën që i shkuan pak njerëz në koncertin në Prishtinë

Pacolli ankohet për Dua Lipën që i shkuan pak njerëz në koncertin në Prishtinë GazetaExpress

Menjëherë pasi performoi në Prishtinë në kuadër të festivalit Sunny Hill, të organizuar nga babai i saj, u nis për në Budapest. Atje këngëtarja nga Prishtina me famë botërore tuboi mbi 70 mijë njerëz.

Zëvendëskryeministri Behgjet Pacolli, me avionin privat të të cilit, Dua Lipa erdhi në Prishtinë ka reaguar për pjesëmarrjen e ulët të kosovarëve në koncertin që u mbajt në Parkun e Gërmisë në Prishtinë.

“Nuk të bën Profet fshati yt. Dua Lipa, këngëtarja pa kompromis, ndër më të mirat në botë, në Budapest tuboi 900 % më shumë fansa se sa në Prishtinë”, ka shkruar Pacolli në FB, transmeton Gazeta Express.

Lipa performoi në festivalin Sunny Hill të premten. Në festivalin treditësh të organizuar nga Dukagjin Lipa, morën pjesë edhe këngëtarë të tjerë me famë botërore, si Action Bronson, Stanaj, G4SHI, e edhe DJ Martin Garrix. /Express

    Data: 14 Gusht 2018 11:41
    Autori: GazetaExpress

    Të tjera