Kthehu lart

Këtë javë procedohen projekt-udhëzimet për mbështetjen financiare për të akuzuarit e Speciales

Këtë javë procedohen projekt-udhëzimet për mbështetjen financiare për të akuzuarit e Speciales GazetaExpress

Ministria e Drejtësisë ka njoftuar se këtë javë do të procedohen për aprovim në Qeveri, dy projekt-udhëzimet për mbështetjen financiare për të akuzuarit potencialë dhe familjarët e tyre, nga Gjykata Speciale.

Në përgjigjen e Ministrisë së Drejtësisë për Kallxo.com, nuk është bërë e ditur shuma e buxhetit që do të ndahet nga Qeveria për të akuzuarit e Speciales, por vetëm thuhet se draftet e dy Udhëzimeve Administrative janë përgatitur.

‘’Në pajtim me Ligjin për Mbrojtjen Juridike dhe Mbështetjen Financiare të Personave të Akuzuar Potencial në Proceset Gjyqësore pranë Dhomave të Specializuara, Ministria e Drejtësisë ka përgatitur draftet e Udhëzimeve administrative: 1. Projekt Udhëzimin Administrativ për mbrojtjen juridike të personave potencialisht të akuzuar në proceset gjyqësore pranë dhomave të specializuara; 2. Projekt Udhëzimin Administrativ për mbështetjen e nevojshme financiare për anëtarët e ngushtë të familjes së personave të akuzuar për krimet e pretenduara në proceset gjyqësore pranë dhomave të specializuara, për shpenzimet e ndërlidhura me udhëtimet e tyre kur procedurat gjyqësore zhvillohen jashtë Kosovës’’, thuhet në përgjigjen e Ministrisë së Drejtësisë.

    Data: 19 Dhjetor 2018 15:58
    Autori: GazetaExpress

    Të tjera