Kthehu lart

Gjashtë të arrestuar pasi rrahën mjekun dhe teknikun në Suharekë

Gjashtë të arrestuar pasi rrahën mjekun dhe teknikun në Suharekë GazetaExpress

Policia rajonale e Prizrenit ka njoftuar se ka arrestuar gjashtë persona, të cilët dyshohen se kanë sulmuar një mjek dhe një teknik mbrëmë pas mesnate.

Në njoftim thuhet se sulmi ndodhi në Urgjencën e Mjekësisë familjare në Suharekë, transmeton Indeksonline.

Më poshtë njoftimi i policisë:

Rreth orës 03:53 minuta   të mëngjesit të sotëm, në Urgjencën e mjekësisë familjare në Suharekë, gjatë trajtimit të një të sëmuri, pas një bisede të tensionuar ka ardhur deri tek sulmi i personave zyrtarë në kryerje të detyrës me ç’ rast janë grushtuar dhe rrëxuar në dysheme një mjek dhe një teknik.

Lidhur me rastin, në këto momente, policia i ka arrestuar gjashtë të dyshuar dhe është në kontakt të vazhdueshëm me prokurorin e shtetit  për të përcaktuar përfshirjen e secilit veç e veç dhe mbi bazën e të gjeturave gjatë hetimit  të bëhet i ndalimi i tyre

    Data: 10 Gusht 2018 14:31
    Autori: GazetaExpress

    Të tjera