Kthehu lart

Cilat janë arsyet e rënies së lindshmërisë në Kosovë

Cilat janë arsyet e rënies së lindshmërisë në Kosovë GazetaExpress

Kosova po përballet me rënie të popullsisë, sidomos viteve të fundit. Kjo vërtetohet si nga Agjencia e Statistikave të Kosovës, ashtu edhe nga shumë raporte ndërkombëtare.

Në një intervistë për Rubikon të KTV-së, Rifat Blaku, profesor i ekonomisë dhe demografisë, nënvizoi se sot shqiptarët lindin përgjysmë më pak se para 40 vjetësh.

“Sa më i zhvilluar të jetë shteti, sa më shumë të ketë të punësuara femra, shtimi natyror vjen duke rënë, duke u qetësuar dhe duke u stabilizuar. Kurse në periudhën e përparme ishte situatë shumë e rëndë në aspektin social dhe normat ishin si në shtetet e prapambetura të Azisë, Afrikës e Amerikës Latine. Aktualisht popullsia e Kosovës dhe përgjithësisht e kombit shqiptar ka arritur në një fazë e cila njihet si fazë e pjekurisë demografike”, theksoi ai. “Ka rënë më dukshëm edhe mortaliteti si shkak i rregullimit të standardit shëndetësor”, shtoi ai.

Sipas tij, si në Kosovë ashtu edhe në Shqipëri, të dhënat demografike tregojnë se pas 30-40 vjetësh, këto vende do të preken me depopullim.

    Data: 21 Qershor 2018 22:07
    Autori: GazetaExpress

    Të tjera