Kthehu lart

Besnik Tahiri: Zahiri dhe të rënët tjerë janë udhërrëfyesi për ushtarët e rinj

Besnik Tahiri: Zahiri dhe të rënët tjerë janë udhërrëfyesi për ushtarët e rinj GazetaExpress

Koordinatori Nacional për Qeverisje Lokale, Besnik Tahiri ka thënë se Zahir Pajaziti dhe të rënët tjerë do të jenë udhërrëfyes për ushtarët e rinj të Ushtrisë së Kosovës.

Këto komente Tahiri i ka bërë kur ka vizituar varrin e Zahir Pajazitit dhe dëshmorëve tjerë të rënë në luftën për liri.

“Së bashku me drejtuesit e Degës së AAK-së në Podujevë, ishim në fshatin Turuqicë për të nderuar veprën e prirësit dhe komandatit të parë të rënë të UÇK-së Zahir Pajaziti. Në këtë frymëzim, nderuam edhe eprorët dhe ushtarët që prehën në varrezat e dëshmorëve në Penuhë. Amaneti i Zahirit dhe bashkëlufatarëve për të parë gaditun në rresht ushtarët e atdheut u bë realitet”, ka shkruar Tahiri, në Fb.

“Komandant Zahiri, eprorët, ushtarët, të rënët për liri dhe gjaku i tyre do të jenë udhërrëfyes për ushtarët dhe frymëzim për paqen”, ka shtuar ai.

    Data: 15 Dhjetor 2018 14:41
    Autori: GazetaExpress

    Të tjera