Kthehu lart

S’ka më ndjekës të rrejshëm dhe autolikes, Instagram nis ndaljen e tyre

S’ka më ndjekës të rrejshëm dhe autolikes, Instagram nis ndaljen e tyre GazetaExpress

Kohët e fundit në rrjetet sociale, po vërehet fenomeni i rritjes së ndjekësve në mënyrë artificiale, nëpërmjet aplikacioneve të ndryshme.

Që nga sot Instagram do të heqë pëlqimet, komentet dhe ndjekësit joautentike, nga llogaritë.

Kjo do të bëhet nëpërmjet disa programeve  të veçanta, të cilat do të identifikojnë këto llogari dhe do t’i heqin nga qarkullimi.

Sipas Instagram, kjo metodë është një sjellje e keqe dhe shkel gjithashtu udhëzimet dhe rregullat e përdorimit.

Instagram do tu dërgojë një mesazh këtyre llogarive për ti bërë me dije, se janë hequr komentet dhe ndjekësit joautentikë, si dhe do tu kërkohet që të ndryshojnë fjalëkalimet e tyre. 

Zakonisht, aplikacionet që përdoren për shtimin e pëlqimeve dhe ndjekësve joautentike, kërkojnë të dhënat personale të llogarisë. Përveç se shkelen rregullat e përdorimit, këto metoda ulin sigurinë e llogarive në Instagram. 

Gjithashtu është identifikuar se disa persona pa dijeninë e tyre, mund të kenë ndarë të dhënat e logimit në Instagram dhe në momentin që marin mesazhe nga palë të treta, duhet të ndërrojnë fjalëkalimin, për të qenë të mbrojtur.

    Data: 20 Nentor 2018 11:19
    Autori: GazetaExpress

    Të tjera