Kthehu lart

Rahoveci e largon një amerikan

Rahoveci e largon një amerikan GazetaExpress

Një ditë pas transferimit të amerikanit Mark Williams, skuadra e Rahovecit ka bërë të ditur se ka shkëputur kontratën me amerikanin tjetër, Tyquan Bitting.

Qendra Bitting te Rahoveci u transferua gjatë muajit të shkuar dhe në Superligën e Kosovës ka zhvilluar katër ndeshje, duke luajtur me një mesatare prej 9.5 pikëve dhe tetë kërcimeve.

"Me marrëveshje dypalëshe KB Rahoveci ka shkëputur bashkëpunimin me qendrën amerikane Tyquan Bitting. Ky i fundit është bashkuar me skuadrën tonë në janar, ndërsa ka zhvilluar katër ndeshje. Bordi i KB Rahoveci e falënderon për angazhimin dhe i dëshiron suksese në të ardhmen", thuhet në njoftimin e Rahovecit.

Aktualisht Rahoveci është në pozitën e tretë në tabelë me 30 pikë pas 19 xhirove të zhvilluara dhe në radhët e veta ka tre amerikanë.

Krahas Williamsit pjesë e ekipit janë edhe Tyler Deihl e Junious Powrell. Ndeshjen e radhës Rahoveci e luan të enjten në Mitrovicë ndaj skuadrës së Trepçës.

    Bëje LIKE dhe merr lajmin e fundit nga Sporti:
    Data: 13 Shkurt 2018 13:42
    Autori: GazetaExpress

    Komentet

    Të tjera