10
*
° °

Ditëve në vijim mot më i ftohtë, me shi dhe borë

13.02.2018 - Dy vorbulla ciklonike nga Atlantiku pritet të kalojnë gjatë ditëve të ardhshme mbi rajonin tonë duke krijuar sërish kushte për reshje shiu dhe bore, ndërsa masa të ftohta ajrore nga veriu i kontinentit do të sjellin mot më të ftohtë.

Gjatë ditës së sotme në orët e pasdites dhe mbrëmjes priten të reshura shiu, që më vonë do të përzien edhe me borë.

14.02-15.02 - Reshjet e borës do të vazhdojnë deri në orët e mëngjesit të ditës së mërkurë.  Gjatë ditës mot më i ftohtë, kryesisht me vransira dhe intervale me diell.  Pasdite vonë dhe në mbrëmje sërish priten reshje të dobëta shiu dhe bore.  Të enjten mot i ftohtë, kryesisht i vranët, e pasdite vende-vende priten mundësi për reshje të dobëta bore.
16.02-17.02 - Të premten pas mëngjesit me ngrica dhe vransira, gjatë ditës mot kryesisht me diell.  Mot kryesisht me diell parashihet të mbajë edhe ditën e shtunë.
18.02 - Mot kryesisht i vranët.  Pasdite vonë dhe në mbrëmje vende-vende mundësi për reshje të dobëta shiu dhe bore.

Vlerat ditore të AQI në dy ditët e ardhshme do të variojnë ndërmjet vlerave mesatare dhe të mira, mirëpo ditën e premte, në mungesë të qarkullimit të mjaftueshëm ajror ato do të rriten edhe në të pashëndetshme.

Temperaturat e ajrit pritet të pësojnë rënie të lehtë nën vlera mesatare, me minimale nga -4C deri në 0C, e ato maksimale do të zbresin nga 5C deri në 1C, por deri në fundjavë do të rriten deri në 6C.
Era do të fryejë mesatarisht nga veriperëndimi-verilindja 2-8m/s.
Me afrimin e vorbullës ciklonike shtypja atmosferike do të zbres nën vlera normale, e më pas do të rritet mbi këto vlera.