Kthehu lart

Shpend Ahmeti i shqetësuar për kilogramët e tepërt të nxënësve të Prishtinës, ja çka u rekomandon

Shpend Ahmeti i shqetësuar për kilogramët e tepërt të nxënësve të Prishtinës, ja çka u rekomandon GazetaExpress

Numri i madh i fëmijëve obezë në Komunën e Prishtinës, kryesisht në qytet po i shqetëson edhe zyrtarët komunalë.

Kështu u tha gjatë publikimit të rezultateve në Komunën e Prishtinës, pas vizitave që u janë bërë nxënësve të klasave të para, të katërta dhe të nënta të kryeqytetit.

Kryetari i Komunës së Prishtinës, Shpend Ahmeti, është shprehur se identifikimi i hershëm i anomalive, posaçërisht i organeve është tejet i rëndësishëm për jetëgjatësinë dhe shëndetin e fëmijëve.

Ai ka rekomanduar edhe komunat e tjera që të aplikojnë këto vizita të rregullta.
Drejtori për Shëndetësi dhe Mirëqenie Sociale, Arben Vitia, ka vlerësuar punën e doktorëve të cilët kanë kryer kontrollet e fëmijëve për katër vite radhazi, me ç’rast kanë identifikuar dhjetëra raste të anomalive.

Doktor Nexhmedin Hoti ka vlerësuar punën sistematike që po bëhet në shkollat e Komunës së Prishtinës, si një punë shumë specifike e cila mundëson identifikimin dhe trajtimin e atyre fëmijëve që kanë anomali.

“Këto vite na kanë dalë problematike fëmijët me mbipesha. Ata po na rriten me mbipeshë, gjë që është shumë shqetësuese”, tha ai.

Edhe doktoresha Teuta Hoxha ka thënë se nga 51 shkolla sa janë përfshirë, mbetet shqetësues numri i fëmijëve që janë obez ku sipas saj, numër më të madh të fëmijëve obez ka në qytet.

“60 përqind e fëmijëve të cilët kanë një peshë të tepruar në fëmijëri, kjo peshë do të sillet edhe në moshat e rritura, duke e ditur se obeziteti është faktor që shkakton shumë sëmundje, andaj më mirë është të parandalohet se sa të shërohet”, tha ajo.

    Data: 14 Shtator 2017 13:52
    Autori: GazetaExpress

    Të tjera