Kthehu lart

Çelaj: Taksa s’ka ndikim në agjendën evropiane dhe liberalizimin e vizave

Çelaj: Taksa s’ka ndikim në agjendën evropiane dhe liberalizimin e vizave GazetaExpress

Zëvendësministri i Integrimit Evropian, Lirak Çelaj, ka bërë me dije se agjenda evropiane e Kosovës është duke u realizuar pa pengesa.

Ai ka thënë se deri më tani nuk ka pasur ndonjë ftohje apo shkëputje të raporteve në mes të Kosovës dhe Bashkimit Evropian.

Në një intervistë dhënë për gazetën “Epoka e Re”, Çelaj ka deklaruar se çështja e taksës ndaj produkteve serbe nuk ka reflektuar në ndonjërën prej proceseve të agjendës evropiane.

Ai ka thënë se stopimi i procesit të liberalizimit të vizave është çështje politike nga ana e Bashkimit Evropian mirëpo, sipas Çelajt, nuk pret të ketë ndonjë kriter shtesë.

Ai ka theksuar se ka gjasa që vendimi për heqjen e vizave të merret pas zgjedhjeve në Parlamentin Evropian, përkatësisht në takimin e Këshillit të Ministrave të BE-së.

    Data: 12 Mars 2019 23:53
    Autori: GazetaExpress

    Të tjera