Kthehu lart

Arrestohet djali i Hashim Rexhepit

Arrestohet djali i Hashim Rexhepit Valon Rashiti Autori: Valon Rashiti GazetaExpress

Granit Rexhepi po dyshohet se nuk respektoi vendimin e autoriteteve për mbyllje të biznesit, raporton T7

Një lokal të lojërave të fatit e kishte mbyllur Administrata Tatimore në Gjilan.

Por kjo nuk i kishte pëlqyer përgjegjësve të marketingut të Eco Bet.

Siç mëson T7 Granit Rexhepi që është djali i ish guvernatorit të BQK-së, Hashim Rexhepit, i kishte hequr dhe dëmtuar vulat zyrtare të AKT-së.

Rexhepi këtë veprim e kishte bërë bashkë më një koleg të tij me inicialet B.H.

Rastin e kanë konfirmuar për T7, Prokuroria e Gjilanit, me anë të një përgjigje me shkrim.

ARRESTOHET DJALI I HASHIM REXHEPIT news

“Dyshohet se të pandehurit G.R. dhe B.H., si përgjegjës të marketingut ‘’Eco Bet’’, me qëllim dhe me dashje i kanë shtytë punëtorët e tyre – të dyshuarit F.B. dhe I.G., që të zbatojnë urdhërat e kundërligjshme të tyre, që të hynin në dy bastore në Gjilan dhe të zhvillonin veprimtarinë e lojërave të ndaluara të fatit, edhe përkundër faktit që kishte ndalesë nga Administrata Tatimore e Kosovës.”

Sipas Prokurorisë, bastorja për të cilën punonte Granit Rexhepi nuk kishte licencë për të vepruar në Gjilan.

E për shkak të dyshimit se ka kryer vepër penale Prokuroria ka paraqitur kërkesën për caktimit e masës së paraburgimit prej 30 ditësh në Gjykatën Themelore në Gjilan.

“I dyshuari G.R., dyshohet edhe për veprën penale ‘’Organizimi i skemave piramidale dhe bixhozit të paligjshëm’’ të KPRK-së, pasi që i njëjti në kohë të pacaktuar e deri më 1 mars 2019, në dy bastore ‘’Eco Bet’’, në Gjilan, me qëllim të përfitimit të kundërligjshëm pasuror, ka marrë pjesë dhe ka ndihmuar në organizimin e lojërave të fatit, për të cilat nuk kishte licencë”.

Këtë kërkesë e ka aprovuar gjykata dhe të gjithë të dyshuarve u është shqiptuar masa e paraburgimit prej 30 ditësh.

Ndërkohë për këtë rast i dyshuar është edhe një person tjetër, por që i cili sipas prokurorisë gjendet në arrati.

    Data: 12 Mars 2019 19:49
    Autori: Valon Rashiti

    Të tjera