Kthehu lart

Shqiptarët më të varfër në vend detyrohen të blejnë ushqimet që tregtohen në mes të rrugës

Shqiptarët më të varfër në vend detyrohen të blejnë ushqimet që tregtohen në mes të rrugës GazetaExpress

Mungesa e një ambienti për tregun në Bulqizë, ka bërë që tregtarët ambulantë prej vitesh të shesin në rrugë fruta, perime, ushqime dhe veshje.

Bulqiza njihet si qarku më i varfër, gjë që i detyron banorët të blejnë në atë treg, pasi çmimet janë më të lira.

Tregtarët shprehen se janë të detyruar të shesim në rrugë pasi nuk kanë një ambient të përshtatshëm për tregtim, kjo ka bërë që edhe shitja të bjerë si pasoje mosplotësimit të kushteve.

“Jashtë çdo lloj standardi. Duhet ta bëjë Bashkia. Duhet të jetë çdo gjë në rregull”, shprehen tregtarët.


Por edhe qytetarët thonë se tregu është jashtë çdo lloje standardi me kushte higjienike skandaloze, papastërti, duke filluar që nga mbeturinat e kazanëve dhe qentë endacakë.

“Mirë do të ishte si për tregtarët, si për ne. Nuk është higjenik, nuk blihet aty, është pisllëk i madh”, thonë disa prej banorëve./Top Channel

    Data: 16 Maj 2018 15:50
    Autori: GazetaExpress

    Të tjera