Kthehu lart

Nënshkruhen marrëveshjet e para për dhënie me qira të tokës bujqësore shtetërore tre hektarë

Nënshkruhen marrëveshjet e para për dhënie me qira të tokës bujqësore shtetërore tre hektarë Foto: MIA GazetaExpress

Në Qeverinë e Republikës së Maqedonisë të Veriut sot u nënshkruan marrëveshjet e para prej gjithsej 20 për dhënie me qira të tokës bujqësore shtetërore mbi tre hektarë. Investimi i përgjithshëm i të gjitha marrëveshjeve është 11 milionë euro të cilat do të investohen në pesë vitet e ardhshme në ndërtimin e verarive, thertoreve, mullinjve, serave dhe qendrave për blerje.

“Ajo që është më e rëndësishme është se përmes këtyre investimeve në industrinë përpunuese bujqësore do të krijohen kushte për sigurimin e plasimit të sigurt të prodhimeve bujqësore, zgjidhjen e problemeve me tepricën, si dhe hapjen e vendeve të reja të punës”, tha kryeministri Zoran Zaev, i cili së bashku me kryeministrin Koço Angjushev dhe ministrin e Bujqësisë Nikollovski mori pjesë në nënshkrimin e marrëveshjeve.

Sipas zëvendëskryeministrit Angjushev, në vend mungojnë kapacitete përpunuese për prodhimet bujqësore dhe pikërisht për këtë ky program është konceptuar ashtu që ndahet tokë bujqësore, por lidhur me kapacitetet përpunuese.

“Pikërisht ajo që mungon në bujqësinë e Maqedonisë. Presim në të ardhmen të ketë më pak shitje të prodhimeve të papërpunuara, ndërsa sa më shumë prodhimi dhe shitje e prodhimeve me vlerë të shtuar në industrinë përpunuese të bujqësisë”, tha Angjushev.

Ministri i Bujqësisë paralajmëroi se pas përfundimit të zgjidhej të ardhshme, do të shpallet edhe një shpallje publike investuese për të cilin siç tha, që tani ka interes./MIA/

    Data: 05 Mars 2019 13:21
    Autori: GazetaExpress

    Të tjera