Kthehu lart

Virusi i ri zbraz baterinë, ngadalëson telefonin dhe konsumon internetin

Virusi i ri zbraz baterinë, ngadalëson telefonin dhe konsumon internetin GazetaExpress

Ekspertët e sigurisë paralajmërojnë për një malware të ri të quajtur DrainerBot, i cili u shfaq në telefonat inteligjentë me sistemin operativ Android dhe u zgjerua përmes aplikacioneve në dispozicion në Google Play.

Edhe pse aplikacionet si Perfecta365, Draw Clash of Clans dhe të tjerë janë hequr nga dyqani i Google, ato janë shkarkuar më shumë se 10 milionë herë, kështu që numri i telefonave të infektuar është shumë i lartë.

Përdoruesit nuk ishin në dijeni se telefoni i tyre ishte i infektuar me malware, por vërejtën se diçka nuk është e gabuar – së pari, bateria konsumohet shumë shpejt dhe telefoni mund të ngadalësohet. Së dyti, malware konsumon trafikun e të dhënave, kështu që mund të kalojë më shumë se 10GB në muaj, varësisht nga tarifa e përdorur, mund të jetë shumë e shtrenjtë.

Zëvendëspresidenti i Oracle, hulumtuesit e të cilit gjetën malware, Eric Rosa tha për media se bëhet fjalë për një nga mashtrimet e para të mëdha me reklama që shkaktuan dëme të drejtpërdrejta financiare për përdoruesit.

Rosa thotë se kostoja për përdoruesit, për shkak të konsumit të lartë të trafikut të të dhënave, mund të kushtojë qindra dollarë. Ai njoftoi se Oracle do të bashkëpunojë me shumë kompani të reklamimit digjital për të gjetur dhe parandaluar mashtrime të ngjashme.

Aplikacionet kontroverse, të pretenduara në Oracle, u shpërndanë nga kompania holandeze Tapcore, e cila i ndihmon zhvilluesit të gjejnë versionet e tyre të instaluara pirate, të cilat te përdoruesit e tyre më pas shfaqin reklama.

Tapacore ka mohuar lidhjen me përhapjen e malware dhe reklamave të rreme, dhe ka nisur një hetim të brendshëm për të përcaktuar nëse ky kod është shpërndarë përmes rrjetit të tyre dhe pa dijeninë e tyre.

    Data: 26 Shkurt 2019 02:09
    Autori: GazetaExpress

    Të tjera