Kthehu lart

Njihuni me modelin më të ri nga Honda (Foto/Video)

Njihuni me modelin më të ri nga Honda (Foto/Video) GazetaExpress

Kompania e njohur kineze, Honda, në panairin e veturave që po mbahet në Frankfurt ka prezantuar konceptin e ri elektrik të dedikuar për qytet, Urban EV, i cili pritet të arrijë në Evropë në formë serike në vitin 2019.

Në vitet e fundit, Honda ka vendosur të “luajë në mënyrë të sigurt”, duke prezantuar kryesisht gjenerata të reja të modeleve ekzistuese, me vetëm një koncept futuristik i cili tregon drejtimin e ardhshëm të kësaj marke japoneze.

Edhe në Frankfurt, duket se Honda “po luan me kartat e njëjta” duke prezantuar konceptin e ri interesant të quajtur Urban EV, i cili paraqet një veturë tërësisht elektrike për qytet dhe është i dedikuar për Evropë ndërsa si model serik pritet të arrijë në vitin 2019, transmeton Koha.net.

Ata të cilët kanë pak njohur për Hondën, sidomos për modelet e saj më të vjetra, ndoshta përmes këtij koncepti dhe disa “linja të fytyrës” mund ta njohin gjeneratën e parë të modelit Honda Civic, model i viteve ’70-a, i cili ka dritat e përparme në formë të rrumbullakët.

Fatkeqësisht, Honda nuk ka zbuluar pothuajse asnjë detaj teknik në lidhje me Urban EV, që do të thotë se informatat për fuqinë e elektromotorëve, kapacitetin e baterisë dhe autonominë, ende janë të panjohura, përcjell Koha.net. Megjithatë, kompania japoneze njofton se Urban EV serik mund ta ketë autonominë prej rreth 300 – 350 kilometra.


Urban EV Concept është pak më i shkurtë se Jazza, modeli më i vogël të cilin Honda e shet në Evropë, ndërsa enterieri, në përputhje me dizajnin futuristik, përfshinë kamerat dhe një ekran të gjerë digjital në vend të pasqyrave tradicionale dhe treguesve analogë.

Gjithashtu, vlen të përmendet se Urban EV Concept është me tre dyer, ka hapësirë për katër persona, dyert i hapen në anën e kundërt, gjë që i mundëson pasagjerëve në anën e pasmë hyrjen dhe daljen më lehtë, e sidomos fëmijëve të moshës së re.

Honda Urban EV Concept unveiled at the Frankfurt Motor Show

    Data: 13 Shtator 2017 19:11
    Autori: GazetaExpress
    • HTC do t'i sjellë tre telefona të rinj para fundit të vitit

      HTC do t'i sjellë tre telefona të rinj para fundit të vitit 0

    Të tjera

    • Rrjedhin fotografi të Volvo XC40 SUV të ri

      Rrjedhin fotografi të Volvo XC40 SUV të ri 0

    • Çfarë po ndodh me Bitcoin?

      Çfarë po ndodh me Bitcoin? 0