Kthehu lart

Ansambli “Gjilani”, fitues i vendit të parë në Bullgari

Ansambli “Gjilani”, fitues i vendit të parë në Bullgari GazetaExpress

Ansambli i Këngëve dhe Valleve “Gjilani”, është fitues i vendit të parë në Festivalin e të rinjve Ballkanik “Sandanski 2017”, Bullgari.

Ne këtë festival ndërkombëtar, “Gjilani” është paraqitur me këngë e valle tradicionale shqiptare.

Festivali i të rinjve Ballkanik, i cili mbahet në Sandanski-Bullgari, është një festival multi kulturor ku marrin pjesë shumë grupe të të gjitha zhanreve të muzikës dhe valëzimit.

“Në kategorinë e tradicionales, Ansambli ynë zuri vendin e parë në këtë garë, ku pjesëmarrës ishin të gjitha shtetet ballkanike”, thuhet në njoftimin për media të këtij Ansambli.

Me angazhimin maksimal të anëtarëve të këtij Ansambli dhe me punën e palodhshme të stafit udhëheqës, me mbështetjen e koreografes Arta Paspali, “arritëm që të triumfojmë sikur edhe në shumë festivale dhe evenimente tjera”.

“Këto ngjarje kulturore janë të mirëseardhura për rininë tonë, në veçanti, por dhe rininë e gjithë Ballkanit në përgjithësi, sepse bëjnë që të rinjtë tanë të shoqërohen me moshatarët e tyre, të njoftohen me kulturat e ndryshme në Ballkan dhe me gjerë”, theksohet në komunikatë.

“Vlen të theksohet se pjesëmarrja e Ansamblit “Gjilani” në këtë festival është mbështetur pjesërisht nga zyra e kryetarit të Komunës së Gjilanit, Lutfi Haziri, dhe i falënderohemi me këtë rast, njëkohësisht i bëjmë thirrje institucioneve që të shtohet vëmendja dhe mbështetja e Ansamblit “Gjilani” por dhe kulturës në përgjithësi, sepse vullneti i të rinjve po zbehet për t’i ruajtur dhe kultivuar vlerat tona kulturore”, ka thënë Ansambli i Këngëve dhe Valleve “Gjilani”.

Në fund u tha se ky aktivitet është realizuar me punë të palodhshme nga Këshilli Artistik.

    Data: 14 Shtator 2017 01:49
    Autori: GazetaExpress
    • “Romanet e Kadaresë lexohen nga 20 milionë lexues"

      “Romanet e Kadaresë lexohen nga 20 milionë lexues" 0

    Të tjera